Sérsveitin, stuðningsmannalið íslensku landsliðanna í handknattleik, er mætt til Innsbruck í Austurríki til þess að styðja við baki á landsliðinu í leikum Evrópumótsins. Reiknað er með á annað hundrað Íslendingum til Innsbruck á leikina og hafa flestir þeirra komið í dag og fara þar af leiðandi nánast beint í leikinn við Hollendinga sem hefst klukkan 17.
Sérsveitin stóð fyrir samkomu á veitingastaðnum við hótelið Garden Inn í næst nágrenni við Ólympíuhöllina þar sem íslenska landsliðið mætir hollenska landsliðin í dag. Einnig verður sérsveitin með samkomur fyrir leikina við Úkraínu á sunnudaginn og við Þjóðverja á þriðjudaginn.
Auk þess mun Sérsveitin halda dampi inni í keppnishöllinni og hvetja íslenska landsliðið til dáða.
Hér fyrir neðan er nokkrar myndir sem Hafliði Breiðfjörð ljósmyndari náði þegar fólk var byrjað að drífa að veitingastaðnum um miðjan dag.
