Sunna Jónsdóttir tryggði ÍBV eins marks sigur á KA/Þór í Olísdeild kvenna í handknattleik í KA-heimilinu í dag, 28:27, í hörkuleik. ÍBV var með fjögurra marka forskot í hálfleik, 15:11.
Fljótlega í síðari hálfleik jafnaðist leikurinn. Síðustu 20 mínúturnar skiptust liðin á um að vera einu marki yfir. KA/Þór átti síðustu sóknina en tókst ekki að færa sér hana nyt.
Stigin féllu ÍBV í skaut. Liðið situr áfram í þriðja sæti, hefur nú 12 stig er fjórum stigum á undan Fram sem situr í fjórða sæti og tveimur stigum á eftir Stjörnunni sem er í öðru sæti.
KA/Þór er í fimmta sæti með fjögur en deildin er orðin tvískipt þegar fyrsti þriðjungur mótsins er að baki.
Mörk KA/Þórs: Lydía Gunnþórsdóttir 8/3, Nathalia Soares Baliana 6, Aþena Einvarðsdóttir 4, Hildur Lilja Jónsdóttir 4, Júlía Björnsdóttir 3, Anna Þyrí Halldórsdóttir 1, Svala Björk Svavarsdóttir 1.
Varin skot: Matea Lonac 8, 22,2%.
Mörk ÍBV: Hrafnhildur Hanna Þrastardóttir 10/3, Elísa Elíasdóttir 8, Sunna Jónsdóttir 6, Birna Berg Haraldsdóttir 2, Sara Dröfn Ríkharðsdóttir 1, Ásta Björt Júlíusdóttir 1.
Varin skot: Marta Wawrzykowska 15/1, 35,7%.
Staðan í Olísdeild kvenna (uppfært eftir alla leiki dagsins):
| Valur | 8 | 8 | 0 | 0 | 237 – 183 | 16 |
| Stjarnan | 8 | 7 | 0 | 1 | 245 – 187 | 14 |
| ÍBV | 8 | 6 | 0 | 2 | 218 – 202 | 12 |
| Fram | 8 | 4 | 0 | 4 | 213 – 195 | 8 |
| KA/Þór | 8 | 2 | 0 | 6 | 197 – 223 | 4 |
| Haukar | 8 | 2 | 0 | 6 | 218 – 238 | 4 |
| Selfoss | 8 | 2 | 0 | 6 | 215 – 239 | 4 |
| HK | 8 | 1 | 0 | 7 | 184 – 260 | 2 |
