Annar þáttur er kominn í loftið hjá hinu nýja handboltahlaðvarpi, Handball Special, sem Tryggvi Rafnsson er með á sínum snærum. Viðmælandi nýja þáttarins er Vignir Svavarsson, Haukamaður, landsliðsmaður og atvinnumaður í handknattleik til margra ára. Vignir segist lítið sem ekkert horfa á handbolta í dag. Hann átti rosalega merkilegan feril. Missti af Peking vegna meiðsla en verður bæði Evrópumeistari með Lemgo og nær í brons með landsliðinu 2010.
Hann talar um skrautlega liðsfélaga, fer yfir það hvernig hann fékk nóg af þýska álaginu og var næstum hættur í handbolta áður en hann fór aftur til Danmerkur.
Hann tilkynnti forseta Íslands það fyrstum manna að hann væri hættur í landsliðinu og var á lista Barcelona eftir einvígið á milli Hauka og Barca í Evrópukeppni um árið.
Vignir er léttur, skemmtilegur, einlægur og hreinskilinn.
Þátturinn er á öllum helstu hlaðvarpsveitum og á facebook undir nafninu Handball Special. Meðal annars er hægt að nálgast þátt hjá Spotify á hlekknum hér fyrir neðan.
https://open.spotify.com/embed/show/41A0j1Sl7vUFYrnl0Y3F0L
