Leikur Vals og FC Porto í Evrópdeildinni í handknattleik karla í Kaplakrika í gærkvöldi var mikil og góð skemmtun en einnig kaflaskiptur. Porto var sjö mörkum yfir að loknum fyrri hálfleik, 16:9.
Valsmenn komu eins og grenjandi ljón til leiks í síðari hálfleik, jöfnuðu metin og voru hreinlega óheppnir að vinna ekki leikinn sem lauk með jafntefli, 27:27. Portomenn jöfnuðu metin á síðustu sekúndu en áður hafði Valur átt sókn og átt möguleika á að komast tveimur mörkum yfir.
Þorsteinn Leó Gunnarsson lék í fyrsta sinn hér á landi eftir að hann gekk til liðs við portúgalska stórliðið í sumar.
Uppselt var á viðburðinn í Kaplakrika, 2.000 aðgöngumiðar seldust. Rífandi góð stemning var og kvöldið báðum félögum til mikils sóma.
Sjá einnig: Myndaveisla: FH – Gummersbach
Mögnuð sýning Björgvins Páls skilaði stigi gegn Porto
Hafliði Breiðfjörð ljósmyndari og ritstjóri fotbolti.net myndaði leikinn fyrir handbolta.is. Hér fyrir neðan er nokkrar myndir hans frá viðureign Vals og Porto.
Smellið á myndirnar til að sjá þær stærri.
