„Við mættum klárari til leiks, sérstaklega í gær. Við erum með betra lið, það er á hreinu. En við mættum klárari til leiks og sýndum góðan leik í gær. Í dag var leikurinn aðeins erfiðari, þyngri og hægari, kannski eðlilegt eftir spennufall í kjölfar leiksins í gær. Heilt yfir bara betra lið, við sýndum það og hrós á stelpurnar fyrir það,“ sagði Arnar Pétursson eftir tvo sigurleiki á Ísrael í umspili HM heimsmeistaramótinu.
Með sigrunum tveimur öðlaðist íslenska landsliðið keppnisrétt á HM sem fram fer síðar á þessu ári. Ísraelska landsliðið situr eftir með sárt ennið.
„Þetta er þriðja stóra mótið í röð sem við förum á. Það er partur af þeirri vegferð sem við höfum verið á. Þetta var eitthvað sem við ætluðum okkur. Við erum á réttri leið. Það er engin spurning,“ sagði Arnar Pétursson landsliðsþjálfari kvenna í handknattleik.
Sjá einnig:
Ísland fer á HM kvenna í þriðja sinn – 20. þjóðin til að tryggja sér farseðil
A-landslið kvenna – fréttasíða.
