Ungmennalið HK gerði sér lítið fyrir og náði jafntefli við Fjölni í viðureign liðanna í Grill 66-deild karla í handknattleik í Kórnum í dag, 29:29. Marteinn Sverrir Bjarnason skoraði 29. markið fyrir HK 108 sekúndum fyrir leikslok en með því jafnaði hann metin. Þrátt fyrir ákafar tilraunir á báða bóga reyndist leikmönnum ekki unnt að skora fleiri mörk.
Fjölnir var fimm mörkum yfir að loknum fyrri hálfleik, 17:12. Þótt á brattann væri að sækja allan síðari hálfleik þá létu HK-ingar aldrei hug falla. Kári Tómas Hauksson náði loks að jafna metin, 28:28, þremur mínútum fyrir leikslok. Hafði þá munurinn sem var að loknum fyrri hálfleik loksins verið etinn upp.
24 mörk í síðari hálfleik
Ungmennalið Hauka vann ungmennalið Fram á Ásvöllum í Grill 66-deildinni í dag, 39:33, eftir að hafa skorað 24 mörk í síðari hálfleik. Sigurður Bjarmi Árnason var öflugur í liði Hauka og skoraði 12 mörk. Bjartur Már Guðmundsson, sem kom til liðs við Fram í sumar, var atkvæðamestur piltanna úr Úlfarsárdalnum með 10 mörk.
Fyrr í dag vann ÍR liðsmenn Harðar, 35:27.
Staðan í Grill 66-deildunum.
HK U – Fjölnir 29:29 (12:17).
Mörk HK U.: Kári Tómas Hauksson 7, Örn Alexandersson 6, Marteinn Sverrir Bjarnason 5, Sigurður Jefferson Guarino 4, Tumi Steinn Andrason 3, Benedikt Þorsteinsson 1, Kristófer Stefánsson 1, Ágúst Guðmundsson 1, Ísak Óli Eggertsson 1.
Varin skot: Einar Gunnar Guðjónsson 4, Sigurður Jökull Ægisson 2, Patrekur Guðni Þorbergsson 1.
Mörk Fjölnis: Sigurður Örn Þorsteinsson 6, Alex Máni Oddnýjarson 4, Dagur Logi Sigurðsson 4, Óðinn Freyr Heiðmarsson 3, Viktor Berg Grétarsson 3, Elvar Þór Ólafsson 3, Aron Breki Oddnýjarson 2, Bernhard Snær Petersen 2, Heiðar Már Hildarson 1, Tómas Bragi Starrason 1.
Varin skot: Bergur Bjartmarsson 6.
Haukar U – Fram U 39:33 (15:18).
Mörk Hauka U.: Sigurður Bjarmi Árnason 12, Freyr Aronsson 7, Jón Brynjar Kjartansson 5, Bóas Karlsson 4, Egill Jónsson 4, Páll Þór Kolbeins 3, Ásgeir Bragi Þórðarson 2, Sigurður Snær Sigurjónsson 2.
Varin skot: Magnús Gunnar Karlsson 10, Ari Dignus Maríuson 1.
Mörk Fram U.: Bjartur Már Guðmundsson 10, Marel Baldvinsson 8, Max Emil Stenlund 6, Eiður Rafn Valsson 4, Arnþór Sævarsson 3, Theodór Sigurðsson 2.
Varin skot: Breki Hrafn Árnason 6.
Annað kvöld mætast ungmennalið Víkings og Vals í Safamýri klukkan 18. Annarri umferð Grill 66-deildar karl lýkur á mánudaginn með viðureign ungmennaliðs KA og Þór í KA-heimilinu
