- Auglýsing -
- Japanska fyrirtækið Daikin Airconditioning verður megin styrktaraðili þýsku 1. deildarinnar í handknattleik karla næstu tvö ár og verður deildin þar með nefnd eftir fyrirtækinu, Daikin HBL. Samkvæmt heimildum Handball-world/Kicker mun fyrirtækið leggja fimm milljónir evra inn í deildina ár hvort meðan á samningstíminn stendur yfir. Er það mikið meira en kom frá því fyrirtæki sem áður stóð á bak við deildina.
- Daikin er stórfyrirtæki á heimsvísu m.a. í framleiðslu á varmadælum og hyggst fyrirtækið í mikið markaðsátak í Þýskalandi í kjölfar samningsins við þýsku 1. deildina sem oft er nefnd úrvalsdeild hér á landi.
- Danski landsliðsmaðurinn Magnus Saugstrup var valinn besti leikmaður þýsku úrvalsdeildarinnar á síðustu leiktíð. Þetta er þriðja árið í röð sem leikmaður SC Magdeburg hreppir hnossið. Á síðasta ári varð Gísli Þorgeir Kristjánsson fyrir valinu og þar áður kom nafnbótin í hlut Ómars Inga Magnússonar.
- Danski línumaðurinn Frederik Ladefoged er einn þeirra sem kveðja þýska liðið Bergischer HC sökum þess að liðið féll úr efstu deild þýska handknattleiksins í vor. Hann hefur samið við Dinamo Búkarest. Ladefoged er 28 ára gamall.
- Ungverska meistaraliðið Veszprém hefur franska handknattleiksmanninn Kentin Mahé eftir sex ára veru. Hann gengur til liðs við Gummersbach í Þýskalandi og leikur þar með undir stjórn Guðjóns Vals Sigurðssonar. Mahé þekkir aðeins til í herbúðum Gummersbach en hann lék með liði félagsins frá 2011 til 2013.
- Auglýsing -
