Ófært flugleiðis til Ísafjarðar

Vegna þess að ófært er með flugi til Ísafjarðar í dag hefur leik Harðar og Víkings í annarri umferð umspils fyrir Olísdeild karla í handknattleik verið frestað. Leikurinn átti að hefjast klukkan 15.30 í dag. Stefnt er á að reyna aftur á morgun og þá skal flauta til leiks klukkan 18.

Þetta kemur fram í tilkynningu frá Handknattleikssambandi Íslands.

Víkingur vann fyrstu viðureign liðanna, 40:34, eftir að tvær framlengingar þurfti til að knýja fram sigur á annan hvorn veginn.