Fyrri viðureign íslenska landsliðsins í milliriðlakeppni Evrópumóts 19 ára landsliða kvenna verður gegn pólska landsliðinu á morgun, mánudag. Flautað verður til leiks klukkan 10.
Daginn eftir mætir íslenska liðið Norður Makedóníu sem hafnaði í neðsta sæti án stiga í A-riðli. Viðureignin við Norður Makedóníu hefst klukkan 12.30 á þriðjudaginn.
HM-farseðill
Hvað tekur síðan við hjá íslenska landsliðinu skýrist eftir úrslit leikjanna tveggja á morgun og þriðjudag auk annarri úrslita í riðlinum. Ennþá er möguleiki á að tryggja sér sæti á HM 20 ára landsliða á næsta ári. Sextán efstu liðin á EM tryggja sér HM-farseðil.
Pólska landsliðið tapaði naumlega fyrir ungverska landsliðinu í gær í lokaumferðinni, 25:24. Ungverjar fóru þar með áfram í keppni tólf efstu liða mótsins ásamt Tékkum sem unnu alla leiki sína í A-riðli.
Pólverjar lögðu landslið Norður Makedóníu, 28:18, en töpuðu fyrir Tékkum, 30:24, í fyrstu umferð riðlakeppninnar.
Norður Makedónía tapaði fyrir Ungverjalandi, 36:21, og fyrir Tékkum með 17 marka mun, 41:24.
Fjórða liðið í milliriðli Íslands verður landslið Litáen. Íslenska liðið tekur sigurinn á Litáum á fimmtudaginn, 31:27, og hefur þar með keppni í riðlinum með tvö stig eins og Pólverjar.
