Stjarnan vann Fram í Meistarakeppni HSÍ í handknattleik karla, 29:28, í Lambhagahöllinni í Úlfarsárdal. Staðan var jöfn í hálfleik, 15:15. Stjarnan var með frumkvæðið í síðari hálfleik og var einu til tveimur mörkum á undan. Fram átti þess kost að jafna metin í lokasókninni en allt kom fyrir ekki.
Leikurinn í Meistarkeppninni var heldur fyrr á ferðinni en stundum áður vegna þátttöku Stjörnunnar í forkeppni Evrópudeildarinnar í handknattleik á laugardaginn eftir rúma viku.
Mörk Fram: Dánjal Ragnarsson 7, Marel Baldvinsson 5, Eiður Rafn Valsson 4, Ívar Logi Styrmisson 3/1, Erlendur Guðmundsson 3, Kjartan Þór Júlíusson 3, Rúnar Kárason 2, Dagur Fannar Möller 1.
Varin skot: Breki Hrafn Árnason 11, 30,5% – Arnór Máni Daðason 1, 20%.
Mörk Stjörnunnar: Gauti Gunnarsson 6/1, Ísak Logi Einarsson 5, Hans Jörgen Ólafsson 4, Barnabás Rea 4, Pétur Árni Hauksson 3, Jóhannes Bjørgvin 2, Benedikt Marinó Herdísarson 2, Jóel Bernburg 1, Patrekur Þór Öfjörð 1, Jón Ásgeir Eyjólfsson 1.
Varin skot: Adam Thorstensen 13, 31,7%.
