- Auglýsing -
Grótta hefur samið við tvítugan danskan handknattleiksmann, Theis Koch Søndergård, um að leika með liði félagsins í Olísdeild karla á næsta keppnistímabili. Søndergård kemur úr akademíu Álaborgar og hefur samið til eins ár við Gróttu.
Í tilkynningu frá Gróttu segir að Søndergård sé fjölhæfur leikmaður sem getur bæði leikið sem skytta vinstra megin og leikstjórnandi.
„Theis er spennandi ungur leikmaður sem verður gaman að sjá með okkur í Olísdeildinni á næstu leiktíð. Hann er fjölhæfur leikmaður og ég hlakka mikið til að byrja að vinna með honum,“ er haft eftir Róberti Gunnarssyni sem nýlega var ráðinn þjálfari karlaliðs Gróttu.
- Auglýsing -
