Portúgalska landsliðið, sem verður fyrsti andstæðingur íslenska landsliðsins á heimsmeistaramótinu á fimmtudagskvöldið í Kristianstad, lagði brasilíska landsliðið með þriggja marka mun í þriðju og síðustu umferð fjögurra liða æfingamóts sem lauk í Þrándheimi í dag, 31:28. Portúgalar unnu einnig Bandaríkjamenn á mótinu en töpuðu fyrir Noregi með 11 marka mun í fyrstu umferð.
Sigur á brasilíska landsliðinu í dag var sannfærandi þótt vissulega hafi Brasilíumenn stundum leikið betur en um þessar mundir. Þeir voru að ljúka þátttöku á öðru æfingamótinu á skömmum tíma. Hefur þeim aðeins tekist að vinna einn af sex á mótunum tveimur. Brasilía gæti orðið andstæðingur íslenska landsliðsins í milliriðilakeppni heimsmeistaramótsins.
Eftir tap fyrir Austurríki og Sviss á æfingamóti í Sviss þá lagði japanska landsliðið, undir stjórn Dags Sigurðssonar, landslið Grænhöfðaeyja í lokaumferð Yellow Cup í Sviss í dag, 31:19. Botninn datt alveg úr leik Grænhöfðeyinga að þessu sinni. Þeir höfðu áður tapað fyrir austurríska landsliðinu en gert jafntefli við Sviss í gær, 29:29.
Grænhöfðeyingar eru einnig hugsanlegir andstæðingar íslenska landsliðsins í milliriðlakeppni heimsmeistaramótsins sem stendur fyrir dyrum.
Úrslit leikja dagsins:
Portúgal – Brasilía 31:28 (16:12).
Noregur – Bandaríkin 43:26 (27:12).
Japan – Grænhöfðaeyjar 31:19 (16:9).
Þýskaland – Ísland 33:31 (19:14).
Sviss – Austurríki 29:28 (15:15).
Lettland – Litáen 15:24 (9:15).
Finnland – Eistland 31:29 (13:14).
Slóvakía – Chile 40:29 (16:17).
Króatía – Ísrael 38:23 (20:10).
Leikir á HM 2022 - D-riðill (Kristianstad) 12. janúar: Ungverjaland – Suður Kórea, kl. 17. Ísland – Portúgal, kl. 19.30. 14. janúar: Portúgal – Suður Kórea, kl. 17. Ísland – Ungverjaland, kl. 19.30. 16. janúar: Suður Kórea – Ísland, kl. 17. Portúgal – Ungverjaland, kl. 19.30.
Leikjadagskrá HM – smellið hér.
