Nýkrýndir bikarmeistarar Lemgo, með Bjarka Már Elísson innanborðs, voru ekki lengi að jafna sig eftir sigurinn í þýsku bikarkeppninni á föstudaginn. Þeir mættu til leiks í dag og unnu öruggan sigur á Nordhorn á útivelli, 32:25.
Bjarki Már skoraði þrjú mörk í leiknum, öll úr vítaköstum. Lemgoliðið var með yfirhöndina í leiknum frá upphafi til enda, m.a. var átta marka munur að loknum fyrri hálfleik, 18:10.
Melsungen, liðið sem Guðmundur Þórður Guðmundsson þjálfar, var ekki lengi að sleikja sárin eftir tapið í úrslitaleik bikarkeppninnar. Melsungen vann í dag lið Wetzlar, 30:28, á heimavelli. Arnar Freyr Arnarsson skoraði einu sinni fyrir Melsungen.
Arnór Þór Gunnarsson glímir við meiðsli eins og kom fram hjá handbolta.is í gær. Hann var ekki með í dag þegar Bergischer HC tapaði fyrir Leipzig, 27:25, í Leipzig.
Alexander Petersson skoraði ekki fyrir Flensburg í öruggum sigri á Hannover-Burgdorf, 28:24, í Flensburg.
Loks vann Füchse Berlin botnliðið, Coburg, örugglega, 32:20.
Staðan:
