Deildarmeistarar ÍBV og Valur hefja úrslitarimmu sína um Íslandsmeistaratitilinn í handknattleik kvenna í Vestmannaeyjum í kvöld. Leikurinn hefst klukkan 19. Eins og áður hreppir það lið Íslandsmeistaratitilinn sem fyrr vinnur þrjá leiki. Önnur viðureign fer fram á mánudaginn á heimavelli Vals.
Undanúrslitarimmu ÍBV og Hauka lauk á þriðjudagskvöldið með framlengdum oddaleik í Vestmannaeyjum á þriðjudagskvöld. Valur vann Stjörnuna í fjögurra leikja einvígi sem lauk á laugardaginn.
ÍBV og Valur mættust í úrslitaleik Poweradebikarkeppninnar 18. mars. ÍBV vann með tveggja marka mun, 31:29.
Úrslit í innbyrðisleikjum liðanna í Olísdeildinni:
19. október: ÍBV – Valur 26:31.
7. janúar: Valur – ÍBV 29:32.
25. febrúar: ÍBV – Valur 29:28.
ÍBV og Valur hafa mæst fjórum sinnum á leiktíðinni. ÍBV hefur unnið þrjá leiki, Valur einn.
Leikjadagskrá úrslita Olísdeildar kvenna:
12. maí – Vestmannaeyjar: ÍBV – Valur, kl. 19.
15. maí – Origohöllin: Valur – ÍBV, kl 19.
19. maí – Vestmannaeyjar: ÍBV – Valur, kl. 19.
22. maí – Origohöllin: Valur – ÍBV, kl. 19.
25. maí – Vestmannaeyjar: ÍBV – Valur, kl. 19.
Allir leikirnir verða sendir út á Stöð2sport.
