Níundu umferð Olísdeildar karla í handknattleik lýkur í kvöld með tveimur viðureignum. Ásgeir Örn Hallgrímsson stýrir Haukum í fyrsta sinn í kappleik eftir að hann tók við þjálfun liðsins á miðvikudaginn af Rúnari Sigtryggssyni. Ásgeir Örn og lærisveinar fá ágæta prófraun á Ásvöllum í kvöld því Íslands- og bikarmeistarar Vals eru væntanlegir í heimsókn.
Hin viðureign kvöldsins verður á milli ÍR og Aftureldingar í nýju og glæsilegu íþróttahúsi ÍR í Skógarseli. Afturelding hefur verið á skriði upp á síðkastið á sama tíma og nýliðar ÍR hafa átt á brattann að sækja.
Báðar viðureignir kvöldsins í Olísdeildinni hefjast klukkan 19.30.
Olísdeild karla:
Olísdeild karla, 9. umferð:
Skógarsel: ÍR – Afturelding, kl. 19.30 – sýndur á ÍRtv.
Ásvellir: Haukar – Valur, kl. 19.30 – sýndur á Stöð2sport.
Staðan í Olísdeild karla:
| Valur | 8 | 7 | 0 | 1 | 263 – 220 | 14 |
| Fram | 9 | 5 | 3 | 1 | 269 – 261 | 13 |
| FH | 9 | 5 | 2 | 2 | 258 – 255 | 12 |
| Afturelding | 8 | 5 | 1 | 2 | 232 – 213 | 11 |
| Stjarnan | 9 | 4 | 3 | 2 | 266 – 250 | 11 |
| ÍBV | 8 | 4 | 2 | 2 | 276 – 237 | 10 |
| Selfoss | 9 | 4 | 1 | 4 | 270 – 273 | 9 |
| KA | 9 | 2 | 2 | 5 | 252 – 267 | 6 |
| Grótta | 7 | 2 | 1 | 4 | 196 – 197 | 5 |
| Haukar | 7 | 2 | 1 | 4 | 196 – 197 | 5 |
| ÍR | 8 | 2 | 0 | 6 | 220 – 278 | 4 |
| Hörður | 9 | 0 | 0 | 9 | 262 – 314 | 0 |
2. deild karla:
Hertzhöllin: Grótta U – Víðir, kl. 21.
Víðir lék sinn fyrsta heimaleik í Garðinum á laugardaginn. Ungmennalið Fjölnis kom í heimsókn og vann, 31:15. Fín stemning var á leiknum. Liðlega 100 áhorfendur mættu og studdu við bakið á Víðisliðinu sem er að stíga sín fyrstu skref í deildarkeppninni eftir að hafa verið sett á laggirnar fyrr á árinu.
Staðan í 2.deild karla.
