Færeyingar unnu fyrri leikinn í Safamýri

Færeyingar höfðu betur gegn Íslandi í fyrri vináttulandsleik 15 ára kvennalandsliða þjóðanna í íþróttahúsinu í Safamýri í dag, 27:24. Íslenska liðið var tveimur mörkum undir í hálfleik, 15:13.

Síðari leikur þjóðanna í þessum aldursflokki fer fram á sama stað á morgun og hefst klukkan 14.

Mörk Íslands: Sara Birna Guðjónsdóttir 7, Sara Sigurvinsdóttir 7, Sara Sveinsdóttir 3, Hjördís Gauja Kjartansdóttir 2, Helga Jenný Vigfúsdóttir 2, Aníta Ottósdóttir 1, Brynja Sif Gísladóttir 1, Emilía Guðný Magnúsdóttir 1.

Hildur Þorgeirsdóttir og Sigríður Unnur Jónsdóttir eru þjálfarar 15 ára landsliðsins.