Alls er skráð til leiks 32 karlalið og 20 kvennalið frá 18 félögum í Íslandsmótinu í handknattleik keppnistímabilið 2021/2022 en lokað hefur verið fyrir skráningu eftir því sem Handknattleikssamband Íslands greinir frá.
Í karlaflokki verður því leikið í þrem deildum. Tólf lið verða áfram í Olísdeild karla, 10 lið leika í Grill 66 deild karla og níu lið leika í 2. deild karla. Talsverð fjölgun liða verður í 2. deild frá nýliðnu keppnistímabili þegar aðeins þrjú lið reyndu með sér.
Tvöföld umferð verður leikin í öllum deildum í karlaflokki.
Í kvennaflokki leika áfram átta lið í Olísdeild kvenna og 12 lið í Grill 66 deild kvenna sem er þremur liðum fleira en á nýliðinni leiktíð.
Leikin verður þreföld umferð í Olísdeild kvenna en tvöföld umferð í Grill 66 deild kvenna.
Dregið verður í töfluröð fyrir miðja vikuna. Í framhaldinu liggur leikjaniðurröðun fyrir.
Deildaskipting á næsta ári er eftirfarandi:
Olísdeild karla:
Haukar.
FH.
Valur.
Selfoss.
Stjarnan.
KA.
ÍBV.
Afturelding.
Fram.
Grótta.
HK.
Kría.
HK og Kría verða nýliðar í deildinni.
Olísdeild kvenna:
KA/Þór.
Fram.
Valur.
ÍBV.
Stjarnan.
Haukar.
HK.
Afturelding.
Afturelding verður nýliði í deildinni.
Grill66-deild karla:
Þór Ak.
ÍR.
Víkingur.
Fjölnir.
Valur U.
Haukar U.
Selfoss U.
Hörður.
Vængir Júpíters.
Afturelding U.
Þór Ak., og ÍR féllu úr Olísdeild karla og ungmennalið Aftureldingar færðist upp í deildina úr 2. deild og tekur sæti ungmennaliðs Fram sem féll úr Grill66-deildinni.
Grill66-deild kvenna:
FH.
Fram U.
Valur U.
Grótta.
ÍR.
HK U.
Fjölnir Fylkir.
Víkingur.
Selfoss.
ÍBV U.
KA/Þór U.
Stjarnan U.
FH féll úr Olísdeild en til viðbótar bætast ungmennlið ÍBV, KA/Þórs og Stjörnunnar.
2. deild karla:
Fram U.
ÍBV U.
Selfoss U2.
Fjölnir U.
Grótta U.
HK U.
KA U.
Stjarnan U.
Víkingur U.
Ungmennalið Aftureldingar, ÍBV og Selfoss skipuðu 2. deild leiktíðina 2021/2022.
- Andrea flytur til Þýskalands í sumar
- Grótta jafnaði metin í umspilinu
- Valsmenn eru á leiðinni til Baia Mare
- Dagskráin: Fyrstu leikir sumars í Eyjum og á Nesinu
- Tókst ekki að vinna á útivelli
