U18 ára landslið Íslands mætir landsliði Egyptalands í leiknum um 7. sætið á heimsmeistaramótinu í Skopje í Norður Makedóníu á miðvikudaginn. Það var staðfest í kvöld eftir að lið Egypta tapaði naumlega fyrir landsliði Svíþjóðar, 30:27, í krossspili um fimmta til áttunda sæti mótsins.
Viðureign Íslands og Egyptalands hefst klukkan 10 árdegis að íslenskum tíma á miðvikudaginn, 12 að staðartíma í Skopje. Leikurinn fer fram í Boris Trajkovski-íþróttahöllinni í borginni, þjóðarhöll Norður Makedóníu.
Sænska landsliðið, sem íslenska landsliðið vann í riðlakeppninni, leikur við Frakka um fimmta sætið.
Danmörk og Suður Kórea leika um gullverðlaunin. Danir kjöldrógu Hollendinga, 36:21, í undanúrslitum í kvöld og Suður Kórea lagði Ungverjaland í jöfnum leik, 30:29.
Ungverjar og Hollendingar bítast um bronsverðlaunin.
Leikið var um neðri sætin á HM í dag. Úrslit leikjanna voru sem hér segir:
9. sæti:
Noregur – Þýskaland 32:24.
11. sæti:
Króatía – Norður Makedónía 32:28.
13. sæti:
Portúgal – Rúmenía 35:32.
15. sæti:
Brasilía – Íran 29:26.
17. sæti:
Spánn – Svartfjalland 26:20.
19. sæti:
Færeyjar – Slóvenía 31:28.
21. sæti:
Sviss – Tékkland 31:23.
23. sæti:
Austurríki – Úsbekistan 36:27.
25. sæti:
Argentína – Slóvakía 26:24.
27. sæti:
Kasakstan – Senegal 37:24.
29. sæti:
Gínea – Indland 38:28.
31. sæti:
Úrúgvæ – Alsír 29:26.
