Dregið var í morgun í riðla í Evrópudeildinni í handknattleik karla. Alls voru nöfn 24 liða í skálunum og voru þau dregin í fjóra sex liða riðla. Keppni í deildinni hefst 19. október og stendur yfir fram í mars á næsta ári þegar 16-liða útsláttarkeppni hefst. Leikið verður heima og að heiman á þriðjudögum eins og á síðasta keppnistímabili.
Þýska liðið SC Magdeburg vann keppnina í vor en með liðinu leika Gísli Þorgeir Kristjánsson og Ómar Ingi Magnússon.
Magdeburg er m.a. með Kristjáni Erni Kristjánssyni, Donna, og félögum í PAUC frá Frakklandi saman í riðli. Eins verða Lemgo, sem Bjarki Már Elísson leikur með, og GOG frá Danmörku, lið Viktors Gísla Hallgrímssonar, saman í riðli.
Riðlaskiptingin er sem hér segir:
A-riðill:
Bidasoa Irun.
Pfadi Winterthur.
Tatran Presov.
Füchse Berlin.
Orlen Wisla Plock.
Fenix Toulouse Handball.
B-riðill:
HBC Nantes.
Chekhovskie Medvedi.
Cocks.
TBV Lemgo Lippe (Bjarki Már Elísson).
GOG (Viktor Gísli Hallgrímsson).
SL Benfica.
C-riðill:
SC Magdeburg (Gísli Þorgeir Kristjánsson, Ómar Ingi Magnússon).
IK Sävehof.
RK Gorenje Velenje.
PAUC Handball (Kristján Örn Kristjánsson, Donni).
BM Logroño La Rioja.
RK Nexe.
D-riðill:
Grundfos Tatabánya KC.
HC Eurofarm Pelister.
AEK Aþena HC.
Sporting CP.
USAM Nimes Gard.
Kadetten Schaffhausen (Aðalsteinn Eyjólfsson, þjálfari).
