Katrine Lunde markvörður Evrópumeistarar Vipers Kristiansand og norska landsliðsins og danski handknattleiksmaðurinn Simon Pytlick hjá GOG og danska landsliðinu voru valin mikilvægustu leikmenn keppnistímabilsins í evrópskum handknattleik.
Handknattleikssamband Evrópu stóð fyrir valinu á meðal áhugafólks um handknattleik í loka keppnistímabilsins. Niðurstöður voru birtar í gær á hátíðarsamkomu í Vínarborg sem einnig var tilkynnt hverjir skipa Heiðurshöll EHF. Ólafur Stefánsson og Guðjón Valur Sigurðsson voru meðal þeirra sem valdir voru, eins og handbolti.is sagði frá í gærkvöld.
Nokkrir íslenskir handknattleiksmenn í karlaflokki voru tilnefndir í kjörinu á fremstu handknattleikskörlum ársins. Enginn þeirra hlaut nægan hljómgrunn í kjörinu til þess að komast í úrvalslið keppnistímabilsins. Alls stóð valið á milli 28 leikmanna af hvoru kyni.
Hverjar stóðu upp úr á Evrópumótunum á tímabilinu?
Hreppa Gísli Þorgeir eða Viktor Gísli hnossið?
Í kjöri á efnilegustu leikmönnum tímabilsins urðu Domen Makuc leikmaður Barcelona og Pauletta Foppa hjá Brest Bretagne hlutskörpust.
Úrvalslið kvenna:
- Vinstra horn: Emma Friis – Danmörku/ Ikast Håndbold.
- Vinstri skytta: Cristina Neagu – Rúmeníu / CSM Bucuresti.
- Miðjumaður: Henny Reistad – Noregi / Team Esbjerg.
- Hægri skytta: Nora Mørk – Noregi / Team Esbjerg.
- Hægri skytta: Ana Gros – Slóvenía / Györi Audi ETO KC.
- Hægra horn: Angela Malestein – Hollandi / FTC-Rail Cargo Hungaria.
- Línumaður: Vilde Ingstad – Noregi / Team Esbjerg.
- Markvörður/mikilvægust: Katrine Lunde – Noregi / Vipers Kristiansand.
- Varnarmaður: Kathrine Heindahl – Danmörku / Team Esbjerg.
Úrvalslið karla:
- Vinstra horn: Timur Dibirov – Rússlandi / HC PPD Zagreb.
- Vinstri skytta/mikilvægastur: Simon Pytlick – Danmörku / GOG.
- Miðjumaður: Luc Steins – Hollandi / Paris Saint-Germain.
- Hægri skytta: Mathias Gidsel – Danmörku / Füchse Berlin.
- Hægri horn: Hans Lindberg – Danmörku / Füchse Berlin.
- Línumaður: Ludovic Fabregas – Frakklandi / Barcelona.
- Markvörður: Niklas Landin – Danmörku / THW Kiel.
- Varnarmaður: Thiagus Petrus – Brasilía / Barcelona.
