Þrjú munu berjast um sæti

Afturelding, Grótta, Selfoss berjast um að komast upp í Olísdeild kvenna í handknattleik næsta vor gangi spá þjálfara, fyrirliða og formanna liðanna í Grill 66-deildinni eftir. U-lið Fram verður í efsta sæti Grill 66-deidlarinnar en þar sem það getur ekki flust upp á milli deilda blanda það sér ekki beint í keppnina um sæti í efstu deild.

Víkingur og HK U reka lestina ef úrslit leikjanna á komandi keppnistímabili verða í takti við spána.

Röðin samkvæmt spánni er sem hér segir:

1. Fram U

2. Afturelding

3. Grótta

4. Selfoss

5. Valur U

6. ÍR U

7. Fjölnir/Fylkir

8. HK U

9. Víkingur

Fyrsta umferð deildarinnar:

Föstudaginn 18. september:
Grótta – Fram U
ÍR – Fjölnir/Fylkir
Laugardaginn 19. september:
Valur U – Víkingur
Sunnudaginn 20.september:
HK U – Selfoss