Hér eru möguleikarnir í stöðunni

- Auglýsing -

Eftir að Svíar komust í í undanúrslit í kvöld liggur fyrir að 5. sætið á EM veitir þátttökurétt á HM á næstu ári, þ.e. liðið sem verður í 5. sæti fer ekki í umspilsleikina í vor.
Þrjú efstu liðin á EM vinna sér inn þátttökurétt á HM á næsta ári. Danir eru ekki taldir með þar sem þeir eru ríkjandi heimsmeistarar. Svíar eru heldur ekki taldir með vegna þess að þeir verða gestgjafar HM ásamt Pólverjum.
Spánn og Svíþjóð taka sæti í undanúrslitum úr milliriðli 2. Noregur hafnar í þriðja sæti og leikur um 5. sætið.
Danir eru komnir í undanúrslit úr milliriðli eitt. Með þeim fara annað hvort Frakkland eða Ísland.
Ef Ísland vinnur Svartfjallaland og Danir vinna Frakka fer Ísland í undanúrslit en Frakkar leika um 5. sæti við Norðmenn.
Ef Ísland vinnur Svartfjallaland og Frakkar vinna Dani fer Frakklandi í undanúrslit en Ísland leikur um 5. sæti við Norðmenn.
Ef Ísland vinnur Svartfjallaland og Danir og Frakka skilja jafnir fer Frakkland í undanúrslit en Ísland leikur um 5. sæti við Norðmenn.
Ef Ísland og Svartfjallaland gera jafntefli fara Frakkar með Dönum í úrslit hvernig sem leikur þeirra endar. Ísland leikur um 5. sæti við Norðmenn.
Ef Svartfjallaland vinnur Ísland leikur Svartfjallaland um 5. sæti við Norðmenn. Danir og Frakkar fara í undanúrslit.
Holland á einnig von um þriðja sæti og leika þar með um fimmta sæti. Holland verður að vinna Króatíu og Svartfjallaland Ísland með nokkrum mun.
Spánn vann milliriðil tvö og leikur þar með við það lið sem verður í öðru sæti í milliriðli eitt sem getur orðið Danmörk, Frakkland eða Ísland.
Svíþjóð varð í öðru sæti í milliriðli tvö og leikur við efsta liðið í milliriðli eitt í undanúrslitum sem verður annað hvort Danmörk eða Frakklandi.