Íslenskir handknattleiksmenn í eldlínu Meistaradeildar

- Auglýsing -

Undanúrslitaleikir Meistaradeildar karla vegna leiktíðarinnar 2019/2020 fara fram í kvöld. Barcelona og PSG mætast klukkan 17 og Veszprém og Kiel tveimur og hálfri stund síðar. Að vanda fara leikirnir undanúrslita fram í Lanxess-Arena í Köln. Aron Pálmarsson er með Barcelona í Köln en ekki hefur verið slegið föstu hvort hann tekur þátt í þátt í leikjunum. Íslenskir handknattleikmenn og þjálfara hafa komið sögu keppninnar á síðustu árum, ekki síst Aron. Handbolti.is hefur tekið saman nokkrar staðreyndir um Íslendinga í Meistarardeild Evrópu.

Ólafur Gústafsson með gullverðlaunin sem hann vann með Flensburg í Meistaradeildinni 2014. Mynd/Ívar

Aron Pálmarsson vann Meistaradeild Evrópu 2010 og 2012 með THW Kiel.
Ólafur Gústafsson vann Meistaradeild Evrópu 2014 með Flensburg.
Guðjón Vaur Sigurðsson vann Meistaradeild Evrópu 2015 með Barcelona
Ólafur Stefánsson vann Meistaradeild Evrópu með Magdeburg 2002, og Ciudad Real 2006, 2088, 2009.
Alfreð Gíslason er eini íslenski þjálfarinn sem hefur unnið Meistaradeildina, 2002 með Magdeburg og 2010 og 2012 með Kiel. Bæði tímabilin tapaði liði bara einum leik í deildinni hvort tímabil.
Önnur verðlaun Íslendinga í Meistaradeild Evrópu:
Aron Pálmarsson fékk silfur 2016 með Veszprém, brons með sama liði 2017 og brons með Barcelona 2019.
Ólafur Stefánsson hlaut silfur 2005 með Ciudad Real, brons með Rhein-Neckar Löwen 2011 og 2012 með AG Köbenhavn.
Guðjón Valur Sigurðsson fékk brons með Rhein-Neckar Löwen 2011 og aftur með AG Köbenhavn 2012 og silfurverðlaun með THW Kiel 2014.
Róbert Gunnarsson var hlaut bronsverðlaun með Rhein-Neckar Löwen 2011 og með PSG 2016.
Arnór Atlason fékk bronsverðlaun með AG Köbenhavn 2012.
Snorri Steinn Guðjónsson fékk bronsverðlaun með AG Köbenhavn 2012.
Þórir Ólafsson hlaut bronsverðlaun með Vive Kielce 2013.
Alfreð Gíslason var þjálfari THW Kiel þegar liðið vann til silfurverðlauna 2014.
Guðmundur Þórður Guðmundsson var þjálfari Rhein-Neckar Löwen þegar liðið vann til brosnverðlauna 2011.
Aron Pálmarsson var valinn leikmaður úrslitahelgarinnar 2014 og 2016.
Íslenskt lið lék einu sinni til úrslita í forvera Meistaradeildar Evrópu, Evrópukeppni meistaraliða sem var undir handajaðri Alþjóða handknattleikssambandsins. Valur lék til úrslita í keppninni 1980 en tapaði fyrir TV Großwallstadt í úrslitaleik í München, 21:12.