Guðmundur Þórður Guðmundsson náði í gær sögulegum árangri með Fredericia Håndboldklub þegar liðið vann sér sæti í undanúrslitum um danska meistaratitilinn. Liðin eru 43 ár síðan lið á vegum Fredericia Håndboldklub átti síðast möguleika á að leika til verðlauna í efstu deild danska karlahandknattleiksins.
Fredericia Håndboldklub mætir Aalborg Håndbold í Álaborg í undanúrslitum. Fyrri leikurinn verður í Álaborg á sunnudaginn. Síðari viðureignin fer fram í Fredericia þremur dögum síðar, annan miðvikudag. Sigurliðið mætir annað hvort GOG eða Skjern í úrslitum um danska meistaratitilinn. Tapliðin leika um bronsverðlaunin.
Níu stig af 12 mögulegum
Lið Fredericia Håndboldklub hafnaði í sjöunda sæti í deildarkeppninni en kom sá og sigraði í riðlakeppni átta liða úrslita. Liðið vann fjóra leiki, gerði eitt jafntefli og tapaði einum leik og var ásamt Skjern það lið sem vann flest stig í átta liða úrslitum.
