Ómar Ingi og Viggó eru á meðal tíu markahæstu í Þýskalandi

Tveir Íslendingar voru á meðal 10 markahæstu leikmanna þýsku 1. deildarinnar í handknattleik á nýliðnu keppnistímabili, Ómar Ingi Magnússon, SC Magdeburg, og Viggó Kristjánsson, Leipzig.

Ómar Ingi, leikmaður meistara SC Magdeburg, varð þriðji markahæstur í þýsku 1. deildinni í handknattleik sem lauk á sunnudaginn. Hann skoraði 239 mörk, af þeim var 131 úr vítakasti. Skotnýtingin var 69,8%. Til viðbótar gaf hann 94 stoðsendingar.

Þetta var fjórða keppnistímabilið hjá Ómar Inga í deildinni. Í þrjú skipti af fjórum hefur hann verið á meðal þriggja markahæstur, þar af markakóngur 2021. Leiktíðina 2022/2023 tók Ómar Ingi ekki þátt í leikjum Magdeburg síðari hluta tímabilsins vegna meiðsla.

Styttist í 1.000 mörk

Ómar Ingi hefur skorað 851 mark í þýsku 1. deildinni á fjórum keppnistímabilum, alls 120 leiki, og vantar149 mörk til að komast í 1.000 marka klúbbinn með Guðjóni Val Sigurðssyni, Alexander Petersson, Ólafi Stefánssyni, Bjarka Má Elíssyni og Arnóri Þór Gunnarssyni.

Á sléttri tölu

Viggó skoraði 200 mörk og situr í sjötta sæti listans yfir markahæstu menn. Hann skoraði 63 mörk úr vítaköstum. Skotnýtingin var 66,5%. Viggó gaf 65 stoðsendingar.
Alls hefur Viggó skoraði 731 mark í 146 leikjum í þýsku 1. deildnni frá fyrst leik keppnistímabilið 2019/2020.

Hér fyrir neðan er listi með 15 markahæstu leikmönnum þýsku 1. deildarinnar auk þess sem tekið saman markafjöldi annarri Íslendinga í deildinni en þeirra Ómars og Viggós.