Framarinn Reynir Þór Stefánsson varð þriðji markahæsti leikmaður Evrópumóts 20 ára landsliða sem lauk í Celje í Slóveníu í gærkvöld með sigri Spánverja á grönnum sínum frá Portúgal í Steingeitarhöllinni í Celje, 35:31.
Reynir Þór skoraði 55 mörk í átta leikjum íslenska liðsins á mótinu, þar af skoraði hann tvisvar sinnum 11 mörk, gegn Portúgal og Noregi.
Ekkert marka sinna skoraði Reynir Þór úr vítakasti, ólíkt öðrum sem eru á meðal markahæstu leikmanna. Reynir Þór spreytti sig ekki á vítakasti í mótinu. Hann átti 89 skot á markið og var þaraf leiðandi með 61,8% skotnýtingu.
Össur og Elmar næstir
Össur Haraldsson, Haukum, var næstur á eftir Reyni Þór af íslensku piltunum. Hafnfirðingurinn skoraði 44 mörk og varð í 17. sæti. Hann skoraði m.a. einu marki fleiri en spænska ungstirnið Petar Cikusa. Á eftir Össuri af þeim íslensku kom Eyjamaðurinn Elmar Erlingsson með 31 mark í 40. sæti.
EMU20 karla: Leikir, úrslit og staðan, milliriðlar og sætisleikir
Óli markahæstur í annað sinn
Færeyingurinn Óli Mittún varð markakóngur Evrópumótsins með 76 mörk í átta leikjum, nærri 10 mörk að jafnaði í leik. Óli skoraði 27 mörk úr vítaköstum og geigaði fjórum sinnum. Skotnýting hans var 66,1%. Óli varð einnig markakóngur á EM 18 ára landsliða fyrir tveimur árum.
Norðmaðurinn Patrick Helland Anderson varð næst markahæstur með 70 mörk, 20 af sjö metra línunni, og var með alls 68% skotnýtingu.
Jafn Reyni Þór í þriðja sæti er Slóveninn Nace Zajc einnig með 55 mörk, 27 þeirra úr vítaköstum. Skotnýting Zajc var 79,7%.
Enginn Íslendingur var í liði mótsins að þessu sinni. Lið mótsins er að finna hér fyrir neðan.
THE 𝗙𝗨𝗧𝗨𝗥𝗘 𝗜𝗦 𝗡𝗢𝗪 💫 Meet the M20 #ehfeuro2024 ALL-STAR TEAM 👇
— EHF EURO (@EHFEURO) July 21, 2024
GK – Leon Bergmann 🇦🇹
LW – David Móré 🇩🇪
LB – Frederik Emil Pedersen 🇩🇰
CB – Hjalte Lykke 🇩🇰
RB – Patrick Helland Anderson 🇳🇴
RW – Xavier González 🇪🇸
LP – Ricardo Brandão 🇵🇹
BD – Theodor Uliana Starck 🇸🇪 pic.twitter.com/cKywR3lMbO
