Meiðsli halda áfram að herja á herbúðir króatíska landsliðsins í handknattleik og raska undirbúningi Dags Sigurðssonar landsliðsþjálfara. Í dag meiddist rétthenta skyttan Leon Ljevar á hné á æfingu. Hefur þátttaka hans á Evrópumótinu verið útilokuð. Eftir því sem fram kemur í 24sata í kvöld þá fer Ljevar í aðgerð á hnénu á miðvikudaginn.
Ljevar er annar leikmaður landsliðsins sem verður að draga sig úr hópnum á nokkrum dögum. Á laugardaginn varð ljóst að línumaðurinn sterki, Marin Šipić, verður ekki með á EM vegna meiðsla.
Ljevar, sem meiddist í dag, er 24 ára gamall og var ekki í HM-hópi Króata í upphafi síðasta árs. Hann hafði á hinn bóginn leikið afar vel með RD LL Griist Slovan í Slóveníu á leiktíðinni og þótt þar af leiðandi koma til álita í leikmannahópinn á EM.
Ekki liggur fyrir hver hleypur í skarðið fyrir Ljevar.
Króatar mæta Þjóðverjum í vináttuleik í Zagreb á fimmtudaginn og í Hannover á sunnudag.
Nokkrir leikmenn og dómarar sem verða ekki með á EM
