Áfram óvissa um framhaldið hjá Halli

Ennþá ríkir óvissa um það hvort og þá hvenær færeyski handknattleiksmaðurinn Hallur Arason leikur með Aftureldingu. Hallur fór öðru sinni úr axlarliði nokkrum dögum fyrir fyrsta leik Aftureldingar í Olísdeildinni fyrr í þessum mánuði. Hann fór einnig úr sama axlarlið, þeim hægri, á síðasta keppnistímabili.

Stefán Árnason þjálfari Aftureldingar segir beðið eftir svörum frá lækni um hvað skref verði rétt fyrir Hall í stöðunni, aðgerð eða hvíld og endurhæfing.

„Við erum að bíða eftir að fá einhver svör frá læknum með þetta,“ sagði Stefán við handbolta.is spurður um stöðuna á Halli sem sat á meðal áhorfenda að Varmá síðastliðið fimmtudagskvöld þegar Afturelding vann KA.

Blóðtaka hjá Aftureldingu – Hallur fór aftur úr axlarlið