Afturelding færðist upp í annað sæti Grill 66-deildar í gærkvöld með sex marka sigri á HM, 34:28, í viðureign liðanna að Varmá í Mosfellsbæ eftir að hafa verið marki yfir í hálfleik, 16:15. Liðin eru jöfn að stigum, með 17 hvort. Afturelding stendur betur að vígi í innbyrðis viðureignum liðanna. HK vann fyrri leik liðanna í deildinni í vetur með fjögurra marka mun, 24:20.
Fínasta stemning var að Varmá í gærkvöld og voru liðlega 200 áhorfendur enda um mikilvægan leik að ræða í toppbaráttu deildarinnar.
Eftir að hafa verið marki undir í hálfleik þá hófu HK-ingar síðari hálfleik af töluverðum krafti og komst yfir. Hélt liðið eins til tveggja marka áður en Afturelding náðu fjögurra marka kafla og komst yfir, 22:20 nærri 20 mínútur fyrir leikslok. Eftir það komst HK ekki yfir á ný og var lengi vel einum til tveimur mörkum á eftir. Aftureldingarliðið var töluvert sterkara á lokakaflanum og tryggði sér sigurinn.
Staðan og næstu leikir í Grill 66-deildum.
Mörk Aftureldingar: Hulda Dagsdóttir 11/8, Katrín Helga Davíðsdóttir 5, Lovísa Líf Helenudóttir 5, Susan Ines Gamboa 4, Ragnhildur Hjartardóttir 4, Fanney Ösp Finnsdóttir 2, Anna Katrín Bjarkadóttir 1.
Varin skot: Ingibjörg Gróa Guðmundsdóttir 9, 37,5% – Saga Sif Gísladóttir 2/1, 13,3%.
Mörk HK: Aníta Eik Jónsdóttir 6/3, Anna Valdís Garðarsdóttir 5, Tinna Ósk Gunnarsdóttir 4, Katrín Hekla Magnúsdóttir 3, Amelía Laufey G. Miljevic 3, Leandra Náttsól Salvamoser 3, Auður Katrín Jónasdóttir 1, Jóhanna Lind Jónasdóttir 1, Hekla Fönn Vilhelmsdóttir 1, Guðrún Maryam Rayadh 1.
Varin skot: Danijela Sara Björnsdóttir 6, 27,3% – Tanja Glóey Þrastardóttir 5/1, 21,7%.
Tölfræði HBStatz.
Katrín Helga verður áfram hjá Aftureldingu
