Handknattleiksdeild Vals hefur samþykkt að lána Alexander Petersson til liðsins Al Arabi sports club í Katar til að taka þátt með þeim í meistarakeppni Asíu sem fram fer í næsta mánuði. Þetta kemur fram í tilkynningu Vals í kvöld.
Þjálfari Al Arabi er Gintaras Savukynas lék hér á landi um árabil með Aftureldingu, Gróttu og ÍBV. Hann va síðast þjálfari HC Motor í Úkraínu í þrjú ár en tók Al Arabi fyrir nokkrum mánuðum.
„Lánssamningurnn gildir einungis í einn mánuð eða út nóvember. Þetta er spennandi tækifæri fyrir Alexander og óskum við honum að sjálfsögðu alls góðs í þessu verkefni.
Handknattleiksdeild Vals bíður svo spennt eftir því að Alexander komi til baka og hefji leik með liðinu á nýjan leik í desembermánuði,“ segir ennfremur í tilkynningu Vals.
Alexander gekk til liðs við Val í sumar eftir ársleyfi frá handknattleik.
Þess má til fróðleiks geta að Aron Einar Gunnarsson leikur með knattspyrnufélagi Al Arabi sports club og Heimir Hallgrímsson þjálfaði knattspyrnuliðið um nokkurt skeið.
