„Þetta var mikið betra en maður bjóst við. Maður var með smá kvíða fyrir leikinn því við vissum ekkert um KA-liðið og hvernig það væri,“ sagði Ágúst Óskarsson leikmaður Gróttu eftir fjögurra marka sigur á KA í upphafsleik liðanna í Olísdeild karla í Hertzhöllinni, 29:25.
„Við litum þá inn á við í staðinn og reyndum að búa okkur eins vel undir leikinn og hægt var. Það skilaði sínu. Við getum ekki beðið um meira,“ bætti Ágúst við og bendir á þá staðreynd að allir leikmenn liðsins hafi lagt sitt lóð á vogarskálina.
„Við erum alvöru menn sem gefumst aldrei upp. Það er hægt að bóka. Allir leikir í Hertzhöllinni verða alvöru leikir. Því get ég lofað. Við finnum ekki betra hús og meiri stemningu á landinu en hér. Það er bara þannig,“ segir Ágúst. Óhætt er að taka undir með honum að stuðningsmenn Gróttu láta svo sannarlega verkin tala og styðja við sitt lið í blíðu jafnt sem stríðu.
Lengra myndskeiðsviðtal við Ágúst er að finna efst í þessari grein.
Sjá einnig: Staðan og næstu leikir í Olísdeildum.
Tíu markalausar mínútur KA og Gróttumenn hrósuðu sigri
Heilt yfir var þetta ekki nógu gott
