Ari Pétur heldur áfram á Nesinu

Ari Pétur Eiríksson hefur skrifað undir nýjan tveggja ára samning við handknattleiksdeild Gróttu á Seltjarnarnesi. Ari Pétur er örvhentur leikmaður og leikur aðallega sem hægri skytta. Hann er nýorðinn tvítugur og hefur leikið með flestum yngri landsliðum Íslands.

Ari lék sína fyrstu leiki fyrir meistaraflokk í Gróttu tímabilið 2018-2019 og hefur alls tekið þátt í 58 leikjum með meistaraflokki. Hann kom lítið við sögu í Olísdeildinni í vetur en lék lykilhlutverk í ungmennaliði Gróttu og skoraði þar 54 mörk.

„Það eru gleðifréttir að Ari Pétur verði áfram í herbúðum Gróttu. Miklar vonir eru bundnar við þennan uppalda Gróttumann og verður spennandi sjá hann stíga upp á næsta tímabili,“ segir í tilkynningu handknattleiksdeildar Gróttu á þjóðhátíðardaginn.