Berglind Benediktsdóttir hefur framlengt samning sinn við Hauka til næstu tveggja ára. Berglind sem er 25 ára og kom til Hauka frá Fram fyrir fimm árum og hefur síðan verið mikilvægur hluti af Haukaliðinu.
Berglind getur leyst allar stöður fyrir utan ásamt því að vera góður varnarmaður og nýtist því Haukaliðinu vel á báðum endum vallarins. Hún tók þátt í 20 af 21 leik Hauka í Olísdeildinni í vetur.
Haukar höfnuðu í þriðja sæti Olísdeildar á síðustu leiktíð og lék til úrslita um Íslandsmeistaratitilinn við Val en beið lægri hlut.
„Það er mikið gleðiefni að Berglind hafi framlengt samning sinn við félagið og er ekki neinn vafi um að Berglind eigi eftir að nýtast liðinu vel í keppninni á toppi Olísdeildarinnar,“ segir m.a. í tilkynningu frá handknattleiksdeild Hauka.
