Bjarki Már Elísson landsliðsmaður í handknattleik er kominn á fulla ferð á nýjan leik eftir skamma fjarveru vegna meiðsla. Hann var í leikmannahópi One Veszprém í síðustu viku þegar liðið vann Sporting í Meistaradeild Evrópu. Í gær lék Bjarki Már í 25 mínútur með Veszprém og skoraði fimm mörk í sex skotum í stórsigri ETO University Handball Team í ellefta sigurleik Veszprém í ungversku deildinni á leiktíðinni, 47:36. Slóveninn, Gasper Marguc, skoraði var markahæstur með sjö mörk.
One Veszprém hefur unnið allar 11 viðureignir sínar á leiktíðinni í ungversku deildinni. Liðið situr í öðru sæti á eftir Pick Szeged sem leikið hefur þremur leikjum fleira og er með einu stigi meira.
Janus Daði Smárason lék sinn fjórða leik í röð með Pick Szegd er liðið lagði CYEB-Budakalász, 41:23, á heimavelli. Svíinn Jim Gottfridsson skoraði sjö mörk og Sebastian Frimmel fimm mörk.
Staðan:
