Í hita leiksins á kótilettukvöldi handknattleiksdeildar Aftureldingar í Mosfellsbæ í gærkvöld var sagt frá því að handknattleiksmaðurinn Þorsteinn Léo Gunnarsson hafi samið við potúgalska meistaraliði Porto frá og með næsta keppnistímabili. Ekki kom fram til hvers langs tíma Þorsteinn Leo hefur samið við Porto enda sennilega flestum sama.
Eins og nærri má geta vakti tilkynningin kátínu veislugesta sem sátu mettir af kótilettum og guðaveigum.
Meðal annars var treyju Porto með föðurnafni Þorsteins sveiflað um á herðatré á sviðinu og sagt að Þorsteinn færi frá félaginu næsta sumar. Virtist það hafa verið gert rétt áður en málverkauppboð fór fram.
Porto leikur í Meistaradeild Evrópu auk þess að standa í ströngu heimafyrir þar sem liðið er í öðru sæti efstu deildar, einu stigi á eftir Sporting Lissabon sem Hafnfirðingurinn Orri Freyr Þorkelsson leikur með. Stiven Tobar Valencia leikur með Benfica sem er í þriðja sæti deildarinnar.
Skammt er síðan að fregnir voru fluttar um að Þorsteinn hafi verið úti í Porto og skoðað aðstæður hjá félaginu.
