Brynjar Vignir Sigurjónsson markvörður HK er að komast inn á beinu brautina eftir eftir að hafa ristarbrotnað í æfingaleik um miðjan ágúst. Óðum styttist í að Brynjar Vignir leiki í fyrsta sinn með HK-ingum í Olísdeildinni en hann kom til félagsins í sumar frá Aftureldingu.
Vandmeðfarið
Meiðslin hafa verið vandmeðfarin vegna þess að þau eru á afar viðkvæmum stað og mega við litlu sem engu hnjaski. Um var að ræða svokallað Jones-brot þegar risitn brotnar rétt aftan við litlu tá (fimmta metatarsalbein á fæti).
„Mér líður mjög vel í fætinum. Það styttist í að ég geti farið að æfa á fullu,“ sagði Brynjar Vignir við handbolta.is.
HK hefur verið óheppið með markverði sína á leiktíðinni. Auk meiðsla Brynjars Vignis hefur Jovan Kukobat verið úr leik síðan síðla á síðustu leiktíð vegna hnémeiðsla. Róbert Örn Karlsson hefur borið hitann og þungann af markvarðarstöðunni til þessa auk Rökkva Pacheco Steinunnarsonar sem kom til HK að láni frá ÍR skömmu áður en leiktíðin hófst í byrjun september.
Sækja Selfoss heim
HK sækir Selfoss heim á fimmtudagskvöld í 9. umferð Olísdeildar karla.
Brynjar Vignir er kominn í raðir HK
Brynjar Vignir ristarbrotnaði – úr leik í nokkrar vikur
Staðan og næstu leikir í Olísdeildum.
