- Auglýsing -
Einn leikur fer fram í Olísdeild kvenna í kvöld þegar 17. umferð af 21 hefst. Haukar taka á móti Fram í Kuehne+Nagel-höllinni á Ásvöllum í Hafnarfirði klukkan 19.30. Lyktir leiksins geta haft mikil áhrif á hvort liðið hreppir fjórða sæti deildarinnar og þar af leiðandi heimaleikjarétt í fyrstu umferð úrslitakeppninnar.
Einnig er leikurinn e.t.v. forsmekkurinn að undanúrslitaleik liðanna í bikarkeppninni síðari í þessum mánuði á sama stað.
Eins og sakir standa eru Fram og Haukar jöfn að stigum í fjórða og fimmta sæti með 17 stig.
Úrslit fyrri viðureigna liðanna á keppnistímabilinu:
27. september: Haukar – Fram 27:27.
11. nóvember: Fram – Haukar 31:29.
- Leikur kvöldsins verður sendur út á Handboltapassanum eins og aðrir leikir Íslandsmótsins í handknattleik.
Staðan og næstu leikir í Olísdeildum.
- Auglýsing -
