Í kvöld fæst úr því skorið hvort Fjölnir eða Þór leikur í Olísdeild karla í handknattleik á næstu leiktíð. Liðin mætast í úrslitaleik í Fjölnishöll. Flautað verður til leiks klukkan 18.30. Leikið verður til þrautar. Fram til þessa hafa liðin unnið tvær viðureignir hvort. Síðasta vann Fjölnir á Akureyri á mánudagskvöld, 26:22.
Reikna má með fjölmenni í Fjölnishöllinni sem staðsett er við Egilshöll. Söngvarinn Kristmundur Axel hyggst hefja upp raust sína klukkan 18 og freista þess að kæta geð áhorfenda áður leikurinn mikilvægi hefst.
Klukkustund eftir að viðureign Fjölnis og Þórs hefst ganga leikmenn Vals og Aftureldingar út á gólf N1-hallar Valsara á Hlíðarenda og mætast öðru sinni í undanúrslitum Olísdeildar karla. Afturelding vann fyrsta leikinn, 28:25, að kvöldi síðasta vetrardags að Varmá. Til stendur að liðin mætist í þriðja sinn að Varmá á sunnudaginn.
Leikir kvöldsins verða sendir út á Handboltapassanum.
Leikir kvöldsins
Umspil Olísdeildar karla, oddaleikur:
Fjölnishöll: Fjölnir – Þór (2:2), kl. 18.30.
Olísdeild karla, undanúrslit, 2. umferð:
N1-höllin: Valur – Afturelding (0:1), kl. 19.30.
Olís karla: Leikjadagskrá, úrslitakeppni
Umspil Olís karla: leikjadagskrá og úrslit
