Loksins kemur í kvöld að fjórðu viðureign Aftureldingar og Vals í undanúrslitum um Íslandsmeistaratitilinn í handknattleik karla. Liðin reyna með sér á heimavelli Vals á Hlíðarenda klukkan 19.40.
Þrjár vikur eru liðnar síðan fyrsti leikur liðanna var að Varmá og 10 daga frá síðustu viðureign sem var að Varmá 5. maí. Afturelding marði sigur í þeirri viðureign, 26:25, og náði yfirhöndinni í kapphlaupinu um að mæta FH í úrslitum.
Afturelding mun semsagt binda enda á undanúslitaeinvígið með sigri á Hlíðarenda í kvöld. Ef Valur vinnur verður staðan jöfn, hvort lið hefur einn vinning, og vika getur liðið þangað til að oddaleik kemur að Varmá.
Leikur Vals og Aftureldingar sem hefst klukkan 19.40 í kvöld í N1-höll Vals við Hlíðarenda verður sendur út í opinni dagskrá í sjónvarpi Símans auk þess að verða aðgengilegur í handboltapassanum.
Olís karla: Leikjadagskrá, úrslitakeppni
