Fjórir leikir fara fram í Olísdeildum kvenna og karla í handknattleik í kvöld. Þar á meðal verða tveir leikir á Hlíðarenda. Fyrri viðureignin hefst klukkan 18 þegar Íslandsmeistarar Vals taka á móti ÍR í Olísdeild kvenna. Verður þetta þriðji leikur Vals á sex dögum.
Rakleitt eftir viðureign Vals og ÍR koma Íslandsmeistarar FH í heimsókn og mæta Valsliðinu klukkan 20.15 í Olísdeild karla. Toppbarátta Olísdeild karla fer harðnandi. Aðeins munar þremur stigum á FH, sem er í efsta sæti, og Valsliðinu í fjórða sæti.
Haukar og Fram, sem eru næst á eftir Val í Olísdeild kvenna, eiga heimaleiki í kvöld. Haukar leika við Selfoss og Fram fær Stjörnuna í heimsókn öðru sinni á nokkrum dögum en liðin mættust í 8-liða úrslitum Poweradebikarsins síðasta fimmtudag.
Leikir kvöldsins
Olísdeild kvenna:
N1-höllin: Valur – ÍR, kl. 18.
Ásvellir: Haukar – Selfoss, kl. 19.30.
Lambhagahöllin: Fram – Stjarnan, kl. 19.30.
Staðan og næstu leikir í Olísdeildum.
Olísdeild karla:
N1-höllin: Valur – FH, kl. 20.15.
- Allir leikir kvöldsins verða sendir út á Handboltapassanum. Viðureign Vals og FH í Olísdeild karla verður send út í opinni dagskrá í sjónvarpi Símans.
