Fyrsti leikur Olísdeildar kvenna á nýju keppnistímabili fer fram í kvöld á Ásvöllum þegar Haukar taka á móti nýliðum Selfoss. Flautað verður til leiks klukkan 18. Eftir viðureignina leiða Hauka og Aftureldingarmenn saman hesta sína í Olísdeild karla og þess vegna verður sannkölluð handboltaveisla á Ásvöllum.
Haukar hrepptu annað sæti Olísdeildar kvenna á síðustu leiktíð. Selfoss vann á sama tíma Grill 66-deild kvenna með talsverðum yfirburðum.
Fyrir utan viðureign Hauka og Aftureldingar í Olísdeild karla hefja Íslandsmeistarar FH titilvörnina í kvöld með leik við Framara í Kaplakrika. Þriðja viðureign 1. umferðar Olísdeildar karla sem fram fer í kvöld er viðureign Stjörnunnar og HK í Hekluhöllinni (áður Mýrinni) í Garðabæ.
Leikir kvöldsins
Olísdeild kvenna:
Ásvellir: Haukar – Selfoss, kl. 18.
Olísdeild karla:
Hekluhöllin: Stjarnan – HK, kl. 19.30.
Kaplakriki: FH – Fram, kl. 19.30.
Ásvellir: Haukar – Afturelding, kl 20.15.
Alla leikina verður hægt að sjá í handboltapassanum. Auk þess verða viðureignir Hauka og Selfoss í Olísdeild kvenna og Hauka og Aftureldingar í Olísdeild karla í opinni og ólæstri útsendingu í Sjónvarpi Símans.
Leikjadagskrá Olísdeilda.
