Næst síðasta umferð Olísdeildar kvenna fer fram í kvöld. Leikirnir fjórir fara fram klukkan 19.30. Valur getur tryggt sér deildarmeistaratitilinn með sigri á Gróttu í Hertzhöllinni. Að sama skapi getur Grótta haldið áfram að berjast fyrir áframhaldandi tilverurétti sínum í deildinni takist liðinu að krækja í stig úr leiknum.
Mesta spennan er í keppni þriggja neðstu liðanna, ÍBV, Stjörnunnar og Gróttu. ÍBV er sem stendur í sjötta sætinu og því síðasta sem veitir þátttökurétt í úrslitakeppninni. Stjarnan er með jafnmörg stig og ÍBV í sjöunda sæti. Sá böggull fylgir skammrifi sjöunda sætinu að liðið sem hafnar þar tekur þátt í umspili um sæti í Olísdeild á næsta leiktíð. Reynsla síðustu ára undirstrikar að liðið í sjöunda sæti á ekki víst sæti í Olísdeild á næstu leiktíð.
Grótta er síðan tveimur stigum á eftir Stjörnunni og ÍBV í fallsæti en á ennþá möguleika á að ná a.m.k. umspilssæti gangi allt upp hjá liðinu á sama tíma og vopnin snúast í höndum liðanna tveggja fyrir ofan.
Leikir kvöldsins
Olísdeild kvenna, 20. umferð:
Lambhagahöllin: Fram – ÍBV, kl. 19.30.
Hertzhöllin: Grótta – Valur, kl. 19.30.
Ásvellir: Haukar – ÍR, kl. 19.30.
Hekluhöllin: Stjarnan – Selfoss, kl. 19.30.
- Leikir kvöldsins verða sendir út á Handboltapassanum.
Staðan og næstu leikir í Olísdeildum.
Leikir 21. og síðustu umferðar 3. apríl:
Selfoss – Fram.
ÍBV – Haukar.
ÍR – Grótta.
Valur – Stjarnan.
