- Auglýsing -
Tveir leikir eru á dagskrá í Olísdeild kvenna í handknattleik í kvöld. Báðum var frestað fyrr á keppnistímabilinu vegna kórónuveirunnar sem hefur gert mörgum gramt í geði um langt skeið.
Valur sækir ÍBV heim til Eyja klukkan 18 og hálfri annarri stund síðar mæta Haukar í Mosfellsbæinn.
ÍBV hefur verið á mikilli siglingu upp á síðkastið og unnið fjóra leiki í röð á sama tíma og Valur hefur tapað þremur leikjum á árinu.
Nú hefur sú breyting orðið á að áhorfendur, allt að 500 í hólfi, og án mikilla skilyrða eru velkomnir á leiki deildarinnar. Reyndar mun enn vera grímuskylda. Þar með er um að gera fyrir fólk að fjölmenna á leiki og styðja þar með við bakið á liðunum bæði með hvatningu og eins fjárhagslega með greiðslu aðgangseyris.
Olísdeild kvenna:
Vestmannaeyjar: ÍBV – Valur, kl. 18 – sýndur á Stöð2Sport.
Varmá: Afturelding – Haukar, kl. 19.30 – sýndur á Aftureldingtv.
Stöðu og næstu leiki í Olísdeild kvenna má sjá hér.
- Auglýsing -
