- Auglýsing -
Þýski markvörðurinn Phil Döhler, sem lék með FH frá 2019 til 2023 við afar góðan orðstír, rær á ný mið næsta sumar. Döhler gekk til liðs við sænska úrvalsdeildarliðið HF Karlskrona sumarið 2023. Ekki kemur fram í tilkynningu sænska úrvalsdeildarliðsins hvað taki við hjá Döhler sem verður þrítugur á árinu. Döhler kom til FH sumarið 2019 frá SC Magdeburg.
HF Karlskrona hefur samið við Emil Arthursson markvörð Drott um að taka stöðu Döhlers.
HF Karlskrona er í 3. sæti sænsku úrvalsdeildarinnar á sínu öðru ári í deildinni. Döhler ásamt þremur Íslendingum, Degi Sverri Kristjánssyni, Ólafi Andrési Guðmundssyni og Þorgils Jóni Svölu Baldurssyni gengu til liðs við Karlskrona-liðið eftir að það kom upp úr Allsvenskan sumarið 2023.
- Auglýsing -
