- Auglýsing -
Norður Makedóníumennirnir Dimitar Mitrevski og Blagojche Todorovski dæma viðureign Íslands og Ungverjalands í síðustu umferð F-riðils Evrópumótsins í handknattleik í kvöld í Kristianstad Arena. Leikurinn hefst klukkan 19.30.
Mitrevski og Todorovski eru að dæma í fyrsta sinn í lokakeppni EM að þessu sinni. Eftir því sem næst verður komist verður þetta annar leikur þeirra félaga á mótinu.
Serbarnir Marko Boricic og Dejan Markovic héldu upp röð og reglu í leik Íslands og Pólland á sunnudaginn en þar áður voru það Spánverjarnir Andreu Marin og Ignacio Garcia sem dæmdu viðureign Íslands og Ítalíu.
- Auglýsing -
