Kristján Örn Kristjánsson hefur dregið sig úr landsliðshópi A-landsliðs karla og mun því ekki taka þátt á komandi Evrópumóti í handknattleik sem hefst um miðjan mánuðinn. Né mun Donni taka þátt í frekari undirbúningi landsliðsins næstu daga.
Kristján Örn varð fyrir meiðslum í október með félagsliði sínu og talið var að hann myndi ná sér af þeim meiðslum fyrir EM.
„Við skoðun læknateymis landsliðsins er ljóst að meiðslin eru alvarlegri en áður var talið og að
áframhaldandi þátttaka í undirbúningi og keppni á EM sé ekki raunhæf á þessum tímapunkti. Í
samráði við leikmanninn, læknateymi landsliðsins og forráðamenn félagsliðs hans hefur því verið tekin sú ákvörðun að Kristján Örn dragi sig úr landsliðshópnum til að einbeita sér að fullum bata,“ segir í tilkynningu frá HSÍ í morgun.
Ekki liggur fyrir hvort leikmaður verður kallaður inn í stað Donna og ef svo þá hver verður fyrir valinu.
