„Þetta var döpur byrjun hjá okkur á mótinu. Vissulega gott að vinna en annað er það ekki. Á síðustu vikum höfum við leikið sex æfingaleiki fyrir leikinn í dag. Frammistaðan í dag er áberandi slökust,“ sagði Sigurður Bragason þjálfari ÍBV eftir tveggja marka sigur liðsins á nýliðum Gróttu, 23:21, í fyrstu umferð Olísdeildar kvenna í handknattleik í Hertzhöllinni á Seltjarnarnesi í dag.
„Sunna var frábær og líka Marta í markinu. Hún varði 21 skot. Handbolti er liðssport þar sem allir leikmenn verða að vera klárir í leikinn þegar hann hefst,“ sagði Sigurður og bætti við að e.t.v. hafi einhverjir leikmenn af yngri leikmönnum liðsins verið stressaðir í leiknum.
„Flestir leikmenn voru ólíkar sjálfum sér, vorum inni í skelinni. En við munum gera betur,“ sagði Sigurður ennfremur en næsti leikur ÍBV verður gegn Val í Eyjum á föstudaginn.
Lengra myndskeiðsviðtal er við Sigurð efst í þessari frétt.
Marta sá til þess að stigin tvö fóru til Eyja
Staðan og næstu leikir í Olísdeildum.
Hefði kannski verið sanngjarnt að fá annað stigið
