Arnar Pétursson landsliðsþjálfari kvenna í handknattleik hefur verið gagnrýndur fyrir að velja ekki Söru Dögg Hjaltadóttur, markahæsta leikmann Olísdeildar kvenna, í 35 kvenna hópinn sem hann getur valið úr leikmenn til þátttöku á HM. Þann hóp varð hann að velja í lok september og senda inn til Alþjóða handknattleikssambandsins. Hópinn verður þjálfarinn að halda og getur hvorki bætt við leikmönnum né skipt út af honum. Vissulega hafi mikið vatn runnið til sjávar síðan í lok september, segir Arnar
Eins hefur það vakið spurningar af hverju nafn Tinnu Sigurrósar Traustadóttur er að finna í stóra hópnum en hún er úr leik vegna meiðsla og hefur aðeins leikið tvo leiki með Stjörnunni.
Arnar segir misskilning vera í umræðunni meðal annars að 35 kvenna hópurinn hafi verið valinn um leið og 16 kvenna hópur fyrir HM. Margar vikur hafi liðið á milli valsins á stóra hópnum og keppnishópsins fyrir HM. Þegar kom að því að velja keppnishópinn fyrir HM varð hann að horfa til þessara 35 leikmanna og engra annarra.
„Þá var ekki ljóst sem vitað var síðar að Tinna Sigurrós, sem er á meðal efnilegri leikmanna í sinni stöðu og hefur átt sæti í landsliðum 2004/2005 á mörgum stórmótum, yrði komin í frí frá handbolta 30 dögum síðar. Ef það er ábyrgðarlaust eða dómgreindarleysi af minni hálfu að sjá það ekki fyrir verður bara svo að vera,“ sagði Arnar við handbolta.is í dag.
Tók ákvörðun í lok september
„Varðandi Söru Dögg þá tók ég ákvörðun í lok september að velja Elínu Rósu, Elínu Klöru, Söndru, Aldísi Ástu, sem leikið hefur í Svíþjóð, og Emblu í stöðuna á miðjunni og þarf kannski að skýra það frekar.
Sandra Dögg hefur staðið sig virkilega vel með ÍR verið frábær og vakið mikla athygli mína og annarra,“ sagði Arnar og bætti við að sennilega hafi val sitt á 35 kvenna hópnum aldrei vakið eins mikla athygli og nú sem væri í sjálfu sér ágætt.
Lengra viðtal við Arnar er í myndskeiði hér fyrir ofan.
