„Fyrri hálfleikur var mjög góður og lagði grunninn að sigrinum. Fagleg frammistaða,“ sagði Steinunn Björnsdóttir fyrirliði íslenska landsliðsins eftir að það vann ísraelska landsliðið, 39:27, í fyrri viðureign þjóðanna í umspili HM kvenna í kvöld.
„Næst á dagskrá er að mæta eins vel upplagðar á morgun og klára dæmið,“ sagði Steinunn ennfremur.
„Við lékum vörnina mjög vel og markvarslan kom með. Í kjölfarið náðum við að keyra vel á þær enda voru þær seinar til baka. Við nýttum okkur það,“ sagði Steinunn ennfremur en íslenska liðið skoraði 20 mörk í fyrri hálfleik gegn 10 mörkum andstæðingsins.
„Ég er stolt af liðinu eftir fyrri hluta þessa verkefnis. Við höldum áfram að þjappa okkur vel saman og mætum klárar til leiks á morgun,“ sagði Steinunn Björnsdóttir ennfremur.
Lengra viðtal við Steinunni er í myndskeiði hér fyrir ofan.
Sjá einnig:
Stórsigur við sérstæðar aðstæður
