- Auglýsing -
Örvhenti hornamaðurinn Karólína Bæhrenz Lárudóttir gat ekki leikið með Fram í leiknum við KA/Þór í Meistarakeppni HSÍ vegna meiðsla. Hún dró fram skóna á nýjan leik í sumar eftir nokkurt hlé frá keppni.
Karólína, sem er fyrrverandi landsliðskona sem m.a. hefur leikið með Gróttu, ÍBV og Val, á að fylla skarð sem landsliðskonan Þórey Rósa Stefánsdóttir skilur eftir sig meðan hún er í fæðingaorlofi frá handboltanum. Þórey Rósa á von á sínu öðru barni síðar á þessu ári.
Eftir því sem næst verður komist er ekki alveg ljóst hvenær Karólína verður tilbúinn í slaginn með Safamýrarliðinu. Fram mætir HK í fyrstu umferð Olísdeildarinnar á föstudagskvöld á heimavelli og sækir Val heim í Origo-höllina á Hlíðarenda annan föstudag.
- Auglýsing -
